8–13 mart kunlari ICANN 82 Hamjamiyat Forumi Sietl, Vashington shtatida bo‘lib o‘tmoqda. Bu ICANN Boshqaruvi turli hamjamiyat guruhlari bilan muloqot qiladigan muhim tadbir bo‘lib, hamjamiyat vakillari internetning global rivojlanishiga ta’sir ko‘rsatadigan dolzarb masalalarni muhokama qilish imkoniyatiga ega bo‘ladilar.

Forumning markaziy mavzularidan biri domen nomlari tizimi (DNS) va uning kelajagi bo‘lib qolmoqda. Tadbir doirasida, jumladan, .UZ domeni ma’muriyati vakillarini o‘z ichiga olgan Keyingi avlod DNS bo‘yicha ishchi guruhining natijalari taqdim etildi.

Maxsus sessiya davomida ishchi guruh vakili ccTLD reyestrlariga yangi texnologiyalarni joriy etish imkoniyatlarini o‘rganish bo‘yicha tadqiqot va muhokama natijalarini taqdim etdi. Bu esa domen nomlarining mijozlar uchun qiymatini oshirish va domenlarni ro‘yxatdan o‘tkazish sohasini rivojlantirishga turtki berish imkonini beradi. Ushbu tashabbuslar global raqamli infratuzilmani rivojlantirish va DNS’ni yangi texnologik chaqiriqlarga moslashtirish uchun muhim ahamiyatga ega.

ICANN 82 Forumi tajriba almashish, innovatsion yechimlarni izlash va internet boshqaruvi sohasida xalqaro hamkorlikni mustahkamlash uchun noyob imkoniyat yaratadi.