.UZ milliy domenida ro‘yxatdan o‘tgan domen nomlari soni 180 mingdan oshdi. Bu milliy internet segmentining rivojlanib borayotgani va .UZ domen zonasiga bo‘lgan qiziqish ortib borayotganini ko‘rsatadi.

Yildan yilga tobora ko‘proq kompaniyalar, tashkilotlar va jismoniy shaxslar o‘z loyihalari, xizmatlari hamda tashabbuslarini internetda namoyish etish uchun .UZ domenini tanlamoqda.

Ushbu yangi marraga erishish O‘zbekiston milliy domen makonining barqaror rivojlanishi va .UZ domeniga bo‘lgan talab ortib borayotganining muhim ko‘rsatkichidir. .UZ domeni ma’muriyati infratuzilmani takomillashtirish, raqamli xizmatlarni rivojlantirish hamda foydalanuvchilar va domen bozori ishtirokchilari uchun qulay shart-sharoitlar yaratish bo‘yicha ishlarni davom ettirmoqda.